LAOAG CITY – Kalikagom dagiti lider ti Vietnam ken Russia a padur-asen ti partnership ti dua a pagilian.
Daytoy ti nagbalin a saritaan da Russian President Vladimir Putin ken Vietnamese President To Lam bayat ti panagkita da idiay Vietnamese capital of Hanoi.
Kinablaawan pay ni To Lam ni Putin, iti panangabak na kas Presidente.
Kinuna ni Putin, a maysa kadagiti prioridad na ket ti mangpapigsa iti strategic partnership iti south-east Asian country.
Krinitikar met ti Estados Unidos ti panagbisita ni Putin iti Vietnam gapu iti panang suporta ni Vietnam President To Lam ken ni Putin a mangitandudo iti gubat idiay Ukraine.
Maipalagip a ti panagbiyahena idiay Vietnam, ket kalpasan ti naballigi a panagbisitana idiay North Korea, no sadinno a kangrunaan a napagsaritaan ti dua a pagilian ket maipapan iti diplomatic support ti Russia iti North Korea.
