LAOAG CITY – Nakasagana ni Russian President Vladimir Putin a makisarita ti personal ken ni United States President Donald Trump.
Dinayawna ti Presidente ti Estados Unidos no sadinno a dinakamatna a nasirib isuna ken alisto a makabirok kadagiti solusion ken kanayon a nakatutok iti interes ti pagilianda.
Inbatad ni Putin a saan koma a napasamak ti gubat iti nagbaetanda ti Ukraine no nagballigi ni Trump idi 2020 US election.
Saan laeng a ti Ukraine ti mabalin a matalantan no nagsaritada kas ti maipapan iti nuclear ken ekonomia.
Immunan nga inrakurak ni Trump ken ni Ukraine President Volodymyr Zelensky a nasken a makisaritan ken ni Putin tapno maliklikan ti aniaman a riribok.
