LAOAG CITY – Inpakaammo ni Russian President Vladimir Putin a suportaran ti Russia ti kandidatura ni Democratic nominee Vice President Kamala Harris iti umay nga eleksion ti presidente ti Estados Unidos inton Nobiembre.
Inaramid ni Putin ti statement iti economic forum a naangay iti Far Eastern city ti Vladivostok idi napan nga aldaw, sumagmamano nga oras kalpasan nga impaulog ti United States Justice Department ti sanctions ken criminal charges kadagiti dua nga ehekutibo ti media ti Russia mainaig iti maipagarup a panangpadasda a mangmanipula wenno mangimpluensia iti eleksion idiay America nga agus-usar iti pro-Russian propaganda.
Iti forum, napagsaludsodan ti presidente ti Russia maipapan iti umay nga eleksion ti Estados Unidos no sadinko nga immisem laeng daytoy ken kinunana a ti simpatsya na a mangabak ket ti agdama a presidente ti Amerika, ni Presidente Joe Biden, ngem gapu ta nagikkat iti eleksion ken inrekomendana kadagiti amin nga election supporters a mangsuporta ken ni Harris, kinunana nga aramidenda met dayta, suportaranda met ni Harris.
Maipalagip a sakbay a nagikkat ni Biden iti kandidatura, kinuna ni Putin a kaykayatna ni Biden ngem ni dati a Presidente ti Estados Unidos a ni Donald Trump gapu ta ad-adda a predictable daytoy ken old school politician.
Ngem patien dagiti ahensia ti United States Intelligence a talaga a pabor ti Russia nga agballigi ni Trump gapu ta saan a nakakumit a mangsuporta iti Ukraine iti gubatna kontra Russia.
