LAOAG CITY – Nangaramid ni Russian President Vladimir Putin iti red line kadagiti West countries, no sadinno a saan pay a masinunuo no sungbatan daytoy dagiti adda iti West.
Iti saritaan idiay St. Petersburg, nangipatulod ni Presidente Putin iti nalawag a pakdaar iti West countries, no sadinno a gutgutigoten na ti West countries a saan da nga ipalubos nga usaren ti Ukraine dagiti long-range missiles a mangraut iti teritorya ti Russia.
Innayonna a daytoy ket maibilang kas direkta a pannakipaset dagiti pagilian ti North Atlantic Treaty Organization (NATO) iti gubat idiay Ukraine.
Daytoy nga inaramid ti Presidente ket dakkel a mangbalbaliw ti mismo nga pakasaritaan ti kinatao ti panagsusuppiat.
Maipalagip nga idi Pebrero 24, 2022, inwaragawag ni Putin ti panangrugi ti naisangsangayan millitar operation para iti naan-anay a panagraut ti Ukraine.
Nangipaulog pay daytoy ti pakdaar kadagiti mabalin a masulisog ken makibibiang manipud iti ruar.
