LAOAG CITY – Addan ti inisyal a panagsarita ti Rwanda ken ti Trump administration para iti panangawat da kadagiti migrants nga ideportar ti Estados Unidos.
Daytoy ti inbatad ni East African country’s Foreign Affairs Minister Olivier Nduhungireh.
Sungbat daytoy ni Nduhungireh kalpasan ti nagbalin a rakurak ni US Secretary of State Marco Rubio nga agbirbiruk da kadagiti pagilian a mabalin da a pangikabilan kadagiti ideportar da a migrants.
Inlawlawag ni Nduhungireh a ti dayalogo ket saanen a baro para kadakuada gapu ta iti kallabes ket immanugot manen ti Rwanda a mangawat kadagiti migrants a naideportar met manipod iti United Kingdom.
