LAOAG CITY – Nakagun-od ti world record dagiti Hollywood actors nga isuda Ryan Reynolds ken Hugh Jackman gapu iti baroda a pelikula.
Kinumpirmaran ti records keeping organization a Guinness World Records nga isuda Reynolds ken Jackman ti baro a record holder ti titulo a “Most Viewed Movie Trailer in 24 Hours.”
Daytoy ket kalpasan a naaddaan ti 365 million views ti trailer ti pelikulada a Deadpool and Deadpool idi Pebrero 11 agingga 12, 2024.
Naammoan a ti Deadpool and Wolverine ket maysa a superhero movie a maika-34 a pelikula ti Marvel Cinematic Universe.
Bida ditoy dagiti karakter nga isuda Deadpool a pinagbidaan ni Ryan Reynolds ken ni Wolverine ti X-Men a pinagbidaan met ni Hugh Jackman.
Kuna ni Jackman, malaksid iti panagbalin nga aktor, ti maaddaan ti Guinness World Record ti maysa kadagiti nabayagen nga arapaapna sipod idi ubing pay isuna.
