LAOAG CITY – Inbatad ni Mr. Eduardo Teodoro B. Ramos, Jr., Columnist iti The Ilocano Educator of Ilocos Sentinel nga adda dagiti sumagmamano nga addang a mabalin a makatulong tapno dumur-as ti rango dagiti estudiante a Pilipino iti Creative Thinking Assessment ti Program for International Student Assessment (PISA).
Kuna na a masapol nga irugi iti basic no maipapan iti Math, Science ken Reading gapu ta saan a namnamaen nga agbalin a creative dagiti ubbing no uray ti simple ken ababa laeng a sentence ket saan da a maawatan; wenno aramiden ti simple a mathematical operation.
Innayon na a masapol a maipadalan ti naan-anay a panagsanay dagiti mangisursuro no kasanu a ma-encourage ti critical thinking dagiti estudyante.
Inpalgak na pay a sakbay nga ipabasa kadagiti estudyante ti libro ket siguradwen ti mangisursuro a naadal ken nabasa nan a naimbag daytoy.
Mainaig iti daytoy, inpetteng ni Ramos a masapol a palubusan ken saan a babalawen dagiti ubbing a makaaramid ti kamali gapu ta adda tayo iti lubong a ti kinaperpekto ti maipan-paganetget.
Inyarigna a no ti sapsapulen ket ti panagbalin a perpekto dagiti estudyante gapu ta agsagaba da ti agsagaba iti stipple creativity ken saan dan a maaramid ti agpanunot a nasayaat.
Inlawlawag ni Ramos a ti thinking critically ket saan laeng nga isu ti pannakaala ti usto a sungbat no di ket panagpanunot no kasanu a madanun ti solusyon, ken laglagipen nga awan ti perpekto a solusyon.
Innayon na a ti kapintasan pay ket ti panag-research dagiti mangisursuro tapno maamoan no dagiti estudyante ket creative wenno saan.
Inbalakad pay ni Ramos iti Department of Education a masapol a tulungan na dagiti mangisursuro a mangpanunot a saan laeng a ti nangato a grado ken iskor ti napateg, no di ket maysa a kapatgan ket no kasanu a solbaren dagiti ubbing dagiti nagduduma a problema.
Kuna na a napateg ti naan-anay a panangbayabay dagiti mangisursuro dagiti ubbing iti aniaman nga aramiden da, ken palubusan dagitoy nga ag-explore gapu ta maysa daytoy a kapatgan para kadakuada.
