LAOAG CITY – Kinumpirmaran ni Atty. Joel Gines, ti Provincial Election Supervisor a saan a kumpleto ti nagisubmitir ti Statement of Contributions and Expenditures (SOCE) a nagkandidato ditoy probinsya iti napalabas nga eleksyon.
Segun kenni Gines, dagiti saan pay a nakaisubmitir ti SOCE na kadagiti saan a napagasatan a lima a kandidato.
Kunana a karaman kadagiti saan pay a nakaisubmitir ket dagiti nagkandidato kas Sang. Panlalawigan Member ken maysa a para iti kina-bise gobernador.
Inlawlawag na dagitoy ket mabalin nga agmulta wenno madiskwalipikar no dagitoy ket agpaidasig ken maduktalan met ti Campaign Finance Unit.
Mainaig iti daytoy, kuna ni Gines a karaman kadagiti minor problema ket ti kasapulan a manotaryoan ti kada page ken dadduma pay. Kabayatanna, inbatad na nga agsagana manen ti Comelec para iti Barangay Elections intono Disyembre kas iti panagparehistro.
