LAOAG CITY – Naiyadal kadagiti opisyal ti barangay ditoy siudad ti Laoag ti saan a panangiyulit nga usaren ti face mask.
Daytoy ket bayat iti pannakaangay ti COVID-19 seminar itay kallabes.
Inlawlawag ni Dr. Renato Mateo a ti surgical mask ket saan a mabalin a maiyulit nga usaren ti face mask ken saan a mabalin a malabaan gapu ta naaramid ti face mask kas disposable.
Kuna na a saan a makaipaay ti proteksiyon ti face mask no nalabaanen wenno maiyulit a mausar.
Basar iti obserbasyon, agiyulit dagiti tattao ti face mask gapu iti panagkurang ti suplay ti face mask gapu ti epekto ti covid-19.
Inbalakad ni Mateo a saan nga agusar ti face mask no adda laeng iti uneg ti pagtaengan ken agusar laeng no adda kadagiti paggaaduan dagiti tattao.
Maipalagip a nagkurang ti face mask ditoy pagilian gapu iti panagputok ti Taal Volcano idi Enero ken dinegdegan iti panagraira ti Covid-19.
