LAOAG CITY – Inlawlawag ni Atty. Juanito Antonio, maysa a Private Lawyer a saan a mabalin nga agtalinaed ditoy pagilian ni dati a Presidente Rodrigo Duterte kalpasan ti panangiparuk-at ti International Criminal Court ti warrant of arrest kontra iti dati a Presidente.
Segun kenkuana, gapu ta saanen a miembro ti Pilipinas iti International Criminal Court ket nasken a dumatag ti maseknan iti Korte a naggpoanan ti warrant of arrest.
Inbatadna a rumbeng a takderan ti dati a Presidente ti inrakurakna idi a nakasagana daytoy a sumango iti aniaman a tignay nga aramiden ti International Criminal Court kontra kenkuana.
Maipalagip a kinumpirmaran ti Palasyo ti Malakanyang ti pannakaarestar ken ni Duterte itay bigat kalpasan a nakaawat ti INTERPOL Manila ti official copy ti warrant of arrest manipud iti International Criminal Court.
Immuna iti daytoy, inpetteng ni dati a Presidential Legal Counsel Salvador Panelo Duterte a ti panangarestar ken ni Duterte ket iligal gapu ta ti International Criminal Court arrest warrant ket naggapu iti spurious source, ti International Criminal Court ket awanen ti hurisdiksion ditoy Pilipinas.
