LAOAG CITY – Inlawlawag ni Atty. Juanito Antonio, maysa a private lawyer a rumbeng nga agsapata ni Vice Pres. Sara Duterte uray kas resources speaker.
Daytoy ket kalpasan a nagkedked ni Duterte nga agasapata para ti kabayatan ti budget hearing ti House committee on good government and public accountability.
Segun kenkuana, nagbalin a technical ti bise presidente iti nadakamat a hearing no sadinno nga ipetpettengna a naimbitaran suna kas resources person saan a kas witness a masapol nga agsapata.
Inlawlawag ni Atty. Atonio a rumbeng nga agsapata ti witness ken resource speakers sakbay ti hearing gapu ta pagalagadan daytoy ti Kamara de Representantes.
Kabayatanna, inbatadna a rumbeng nga adda ti maiyannatop a pannusa ken ni Duterte gapu ta arigna ket panagbastos daytoy iti Kamara.
