LAOAG CITY – Nagballaag ni Rep. Rodolfo Ordanes kalpasan nga adda dagiti report nga adda dagiti senior citizens a saan a parparwaren ti sumagmamano nga ospital uray mabalin dagitoy nga agawid iti balayda gapu iti saan a nabayadan nga hospital bills ken saan nga umiso a panagusar ti guarantee letters.
Iti privilege speech ni Ordanes, inbatad na a nakaawat ti opisina na ti reklamo kontra kadagiti tallo a government tertiary hospitals ken maysa a private hospital.
Kuna na nga adda dagiti pasyente a nangipaay ti collateral ngem nagkedkedan paylaeng dagiti nasao nga ospital nga i-admit wenno i-discharge, ken adda pay dagiti kaso ti saan nga usto a pabagusar ti guarantee letter ti senior citizen.
Gapu iti daytoy, nagpanawgaan ti agpanpanday linteg iti Department of Health ken uray iti Philippine Health Insurance Corporation wenno Philhealth a siguradwen na ngamin nga ospital iti pagilian ket sumursurot iti discharge protocols, saan a pagtalinaeden iti ospital dagiti pasyente a saan a makabayad ti bills da, kasta pay ti panagusar ti umiso a guarantee letters.
Mainaig iti daytoy, inkari ti Department of Health a nakasagana da a tumulong kadagiti pasyente nga addaan ti reklamo.
