LAOAG CITY – Saan nga agpeggad dagiti estudyante kalpasan nga inbabawi dagiti maseknan nga otoridad ti indeklara da a matuloy ti klase idi kalman idiay Mexico City.
Daytoy ti pagyamyamanan ni Mr. Josh Viernes, mangisursuro idiay Westhill Institute, Mexico City, tubo ti Brgy Cadaratan Bacarra, Ilocos Norte.
Segun kenni Viernes, kalpasan nga indeklara da a matukoy ti klase ti pagadalan ket nagdudua gapu ta dagiti pasdek a mapagam-amkan a marpoog kalpasan ti napigsa a panagdayyeg ken adu pay a tattao dagiti naapektaran.
Kuna na nga in-inot metten nga agsubli dagiti mexicans iti nasao a lugar.
Maipalagip nga inpakaammo ni Viernes idi Dominggo iti pannakiuman ti eksklusibo a pannakiuman ti Bombo Radyo Laoag a nagdayyeg ti magnitude 6.4 nga aftershock idiay Mexico a nakatayan ti 3 a tattao, no sadino a natay dua a babbai kalpasan a naatake da ken natay ti maysa a lalaki kalpasan a naregreg manipud ti maikadaua a kadsaaran ti pasdek gapu ti panagpanic na.
