LAOAG CITY – Inlawlawag ni Mayor Rene Gaspar iti ili ti Carasi kalpasan a temporaryo a pinaserraan na ti Sabo Dam.
Daytoy ket gapu ti panagamak na iti kelaat a panagngato ti kaso ti COVID-19 ditoy probinsya.
Kuna na a mamonitor da dagiti agturong iti dam gapu ta it dalan ket malabsan da iti sango ti munisipyo.
Inbatad ni Gaspar nga adda dagiti agbantay iti pagserkan ti dam.
Segun kenni Gaspar, agdepende iti sitwasyon ti probinsya seknan iti kaso ti COVID-19 iti panaglukat ti Sabo dam para kadagiti lokal a turista.
Innayon na a malaksid iti dam, temporaryo a napaserraan ti mapan iti Mt. Lammin tapno makontrol dagiti agserrek iti ili da.
