LAOAG CITY – Saan a pabor ni House Ways and Means Chairman ken Albay 2nd district Rep. Joey Salceda a naan-anay nga i-ban ti Philippine Offshore Gaming Operators (POGOs) iti pagilian.
Mamati ti ekonomista a saan a nasayaat a naan-anay a mai-ban iti nasao a sektor.
Inbatadna nga apaman a maipatungpal ti Philippine Offshore Gaming Operators ban, mapukaw ti aniaman a nasayaat nga ugali iti nasao a sektor.
Kuna ni Salceda, mapukaw pay ti insentibo dagiti legal ken addaan ti lisensa nga agop-operar.
Inyarigna ti local tobacco sector no sadino kunana a kaadduan kadagiti tips iti smuglling ken illicit trade ket manipud kadagiti tax-compliant companies.
Pimmigsa ti Philippine Offshore Gaming Operators idi panawen ti Duterte administration.
Iti sabali a bangir, kaadduan met kadagiti agpanpanday linteg ket ilunglungalongna ti total Philippine Offshore Gaming Operators ban iti pagilian gapu iti pannakairaman kadagiti nagduduma a criminal activities daytoy.
