LAOAG CITY – Pinasingkedan ti singer-actor a ni Sam Milby a na-diagnose daytoy nga addaan iti type 2 diabetes.
Impakaammo ni Sam daytoy babaen ti pangi-uploadna ti letrato iti blood sugar tester-na.
Makuna nga inpagarup ti aktor a nasalun-at ti bagina gapu ta saan unay daytoy mangmangan ti nasamit ken saanna a magustuan dagiti junk foods.
Kinapudnona, awan met ti pakasaritaanna iti diabetes manipud kadagiti nagannakna, agingga kadagiti lolo ken lolana.
Nupay kasta, nagalakad ni Sam iti publiko – a saan nga ikankano dagiti sintoma ken aramiden nga ugali ti agpaeksamen.
