LAOAG CITY – Kalikagom ni Mayor Edmar Vincent Bonoan iti ili ti San Nicolas a mismo a makita ti lugar nga ayan dagiti ramit ti Municipal Health Office a maipagarop a natakaw.
Kunana a kabayatan ti panagsarita da iti hepe ti Philippine National Police ket awan dagiti nakita da a napwersa a nagruwaran dagiti posible a nangala.
Segun kenni Bonoan, napinpintas no makita na a mismo ti lugar tapno madertiminar no kasano ti pannakairwar dagitoy a ramit.
Patien na a no siasinno man iti akin-aramid iti daytoy ket adda ti ammo da apakailakoan kadagitoy.
Mainaig iti daytoy, kuna a seryoso daytoy a pasamak isut gapo na a masapol a matutukan gapo ta saan laeng a gapo ta nabalor dagitoy a kukua ti lokal a ken maapektaran pay dagiti agusar kadagitoy.
Maipalagip a nai-report iti PNP-San Nicolas nga adas dagiti ramit a mapukpukaw iti uneg ti nasao a lugar kas iti Microscope, Micro Hematocrit Centrifuge, Serum Electrolyte Analyzer machine ken AVR.
