LAOAG CITY – Pormalen a nagsapata da San Nicolas Mayor-Elect Edmar Vincent Bonoan ken Ilocos Norte 2nd District Representative Angelo Marcos Barba babaen ken ni ABC President Pete Agcaoili iti Barangay 21 San Agustin iti ili ti San Nicolas.
Malaksid kadakuada, pormal pay a nagsapata dagiti sumagmamano a Sangguniang Bayan Member kas kada Sangguniang Bayan Member Resty Ulep, Sangguniang Bayan Member Cesar Agustin, Sangguniang Bayan Member Jona Hernandez ken Sangguniang Bayan Member Muera Galing.
Mainaig iti daytoy, inlawlawag ni Cong. Barba a napili iti nasao a barangay a pakaisayangkatan ti panagsapatada gapu ta adda ti farm ti amana iti lugar.
Kabayatanna, nagyaman ni Mayor-Elect Bonoan kadagiti amin a nangsuporta ken nagtalek kenkuana iti napalabas nga eleksion.
Inpakaammona nga adda ti maiyuswat a coordination meeting inton Hunio 17 kadagiti amin nga adda iti babaenna pakairamanan dagiti agpapaay iti Local Government Unit tapno napinpintas ti transition period dagitoy.
