LAOAG CITY – Inaprubaran ti Sandiganbayan ti mosyon ti Office of the Ombudsman a mangiyuswat ti single trial iti graft and kontra kenni dati a congressman Zaldy Co ken dagiti 15 co-accused iti anomalya a P289.5-million flood control project idiay Oriental Mindoro.
Iti resolution a napetsaan ti Nov. 27, pinatgan ti anti-graft court’s Sixth Division ti motion ti prosecution panel ti ombudsman tapno ma-consolidate iti joint trial iti kaso ni Co a panaglabsing iti Section 3 (e) iti Republic Act 3019 wenno ti Anti-Graft and Corrupt Practices Act nga adda iti Fifth Division ken ti non-bailable case a malversation of public funds through falsification of public documents iti babaen ti Revised Penal Code nga adda iti Sixth Division.
Naduktalan ti korte ti merito ti contention ti prosecution a dagiti dua a kaso ket mausig ken saan a malabsing ti right to due process ti akusado.
Nupay kasta, kuna ti Sixth Division a ti consolidation iti kaso ket subject latta iti sabali pay a panagaprubar ti Fifth Division no sadinno awan pay ti inisyu na a kapada a resolution.
Kadagiti 16 nga akusado, siyam pay laeng ti simmuko ken iggem ti Fifth ken Sixth Division ti kaso da.
Kabayatanna, ni Co ken dagiti innem pay nga akusado ket nagtaliaeda saan a mabirukan.
