LAOAG CITY – Nangiparuk-at ti hold departure order ken sabali manen a warrant of arrest ti Sandiganbayan Fourth Division kontra ken ni Sen. Rodante Marcoleta ken dati nga Anakalusugan Rep. Michael Defensor gapu iti maipagarop a panaglabsing iti Presidential Decree No. 46.
Daytoy ket mainaig ti maipagarop a panagawat ni Marcoleta ti campaign donations sakbay ti national elections idi 2025.
Ni Defensor ket agdama a nakabalud iti New Quezon City Jail – Male Dormitory iti babaen ti commitment order nga inparuk-at ti Sandiganbayan Third Division, a mangig-iggem iti kaso a plunder kontra kenkuana ken dagiti kakadwa na.
Kabayatanna, nagtalinaed ni Marcoleta iti Philippine National Police General Hospital iti Camp Crame gapu ta maipagarop a panagpasar na ti komplikasyon iti salun-at na kalpasan ti pannakaarestar na idi Lunes, Hulyo 6.
Naamoan a dagiti addang ti Sandiganbayan ket paset ti napaigetan a kampanya kontra iti korapsyon ken panaglabsing iti linteg nga adda ti pakainaigan iti panagusar ti pondo ken donasyon iti panawen ti eleksyon.
Agtultuloy a banbantayan ti publiko ti agbalin a taray ti kaso aglalo ket agpada a mabigbig a personalidad iti pulitika iti karaman kadagiti akusasyon.
