LAOAG CITY – Agtultuloy ti imbestigasyon dagiti kameng ti PNP-Sarrat kalpasan ti pannakapalto-paltog ni Sang. Bayan Member Apolonio Medrano iti asideg a mismo ti municipyo, bisinidad ti Barangay 2.
Iti inisyal nga impormasyon ti PNP-Sarrat, nakatakder ni Medrano iti ruwar ti lugan na partikular iti drivers side idi pinalto-paltogan dagiti saan pay a nabigbig a suspek.
Naamoan nga agturong ni Medrano iti Municipyo tapno agatendar iti Flag Raising Ceremony ket pinalto-paltogan dagiti suspek.
Ti ayan ti lugan ti konsehal idi napaltogan ket isu ti datin a pagparparkingan na no kada Falg Raising Ceremony.
Karaman kadagiti kitaen dagiti otoridad ket ti CCTV a naimuntar iti asideg ti nakapasamakan ti pammaltog.
Agpapan maisursurat ti damag ket awan pay ti narekobre dagiti kameng ti SOCO a kapsula.
Kalpasan ti insidente ket naglibas dagiti suspek idinto a dagus met a naitaray iti maysa a pribado nga ospital ditoy ciudad ti Laoag ti nadakamat nga opisyal.
PADAANAN TI AD-ADO PAY A DETALYE ITI BOMBO RADYO LAOAG
