LAOAG CITY – Sangsangkamaysa nga inaprobaran ti Sangguniang Panlalawigan ti resolusyon a mangkiddaw iti DOTR-LTO RO1 para ti pannakadefer wenno pannakasuspenso ti Private Motor Vehicle Inspection Center ditoy probinsya.
Daytoy ket babaen iti panangsiponsor ni SPM Atty. Da Vinci Crisostomo ken ti Committee on Laws/Transportation.
Kabayatanna, inaprobaran pay ti SP ti resolusyon a mangkiddaw ienni Mayor Michael Marcos Keon ditoy ciudad ti Laoag para ti temporaryo a pannakasuspenso ti business license/Mayor’s Permit ti Road Worthy Motor Vehicle Insp Corp.
Mainaig iti daytoy, inlungalong ni Atty. Donald Nicolas a maifurnishab ti copy ti House of Representatives ken Senate iti nasao a resolution in time iti nakaschedule a senate hearing mainaig iti pannakatratar ti PMVIC.
Maiplagip nga itay kallabes adu dagiti timuar a reklamo dagiti motorista mainaig iti pannnakainspeksyon kadagiti luganda.
Gapu iti daytoy ket nangisayangkat ti SP nangruna ti Committee on Transportation ti Public Hearing nga inatendaran dagiti kameng ti LTO, nagduduma a maseknan ng indibidwal a mangmanmanehar ti emission testing cwnter ken daytoy Road Worthy Motor Vehicle Inspection Center.
Mainaig iti daytoy ket kalikagum pay ti SP a maadal ti inspection fee kadagiti lugan nangruna ta nadagsen daytoy a bayadan dagiti motorista gapu ta base iti agdama nga inspection fee ket 1800 no sadinno a no adda agfail ket 50% ti bayad ti reinspection.
