LAOAG CITY – Nangputar ti ordinansa ti Sangguniang Bayan iti ili ti Solsona seknan iti pannakaipawil ken panangmulta kadagiti indibidual a nga agaramid ti prank calls.
Daytoy ket tapno malappedan ti panaglokloko dagiti tattao babaen iti prank calls.
Umabot iti sangaribu agingga dua ribo ken limagasut a pisos ti multa dagiti indibidual nga aglabsing iti nasao nga ordinansa.
Immunan iti daytoy, adda ti naaramid nga ordinansa nga amin a barangay ket mangi-designar ti official hotline number tapno adda pagkamangan dagiti residente no adda ti sumangbay a didigra ken emerhensia.
Iti biang ti Sangguniang Bayan, naputar daytoy nga ordinansa tapno maitandudo ti urnos ken saan a pagay-ayaman a tawagan dagiti numero wenno hotline number.
Kabayatanna, kalikagumda ti makikoordinar iti National Telecommunications Commission tapno alalisto a mabigbig dagiti akin numero dagiti agtawtawag.
