LAOAG CITY – Kalikagum ti Sangguniang Panlungsod a maikkat dagiti naperdi a lugan a naka-parking iti aglawlaw ti City Hall ditoy siudad ti Laoag.
Basar iti konseho, masapol a maikabil dagiti nadadael a lugan iti City Engineering Office tapno mawaknitan ken agbalin a nalawa iti aglawlaw iti lokal a gobierno.
Naammoan nga adda umay agisayangkat ti inspeksion manipud iti rehion uno tapno madeterminar dagiti lugan a kasapulanen nga ikkaten.
Kabayatanna, dumanon iti 40 a lugan ti masapol a maikkat iti kabiitan a panawen no sadinno ket ipayal-alisto ti konseho ti pannakaipatungpal ti gagemda.
