LAOAG CITY – Kalikagum ti Sangguniang Panlungsod nga agsurat manen iti Department of Public Works and Highways kalpasan nga awan ti makitada a panaka-repair dagiti solar lights iti bypass road ditoy siudad ti Laoag.
Segun iti maysa kadagiti kameng ti Sangguniang Panlungsod, addan ti dua a tawenen ti napalabas sipod idi nagkiddaw ti tulong ti Sangguniang Panlungsod iti Department of Public Works and Highways – First District Engineering Office pakaseknan iti daytoy a banag ngem awan pay ti makitada a panaka-repair daytoy.
Inlawlawagna a mabalin a mangitunda daytoy ti desgrasia gapu iti kinasipnget ti nasao a rangtay nangruna iti rabii.
Gapu iti daytoy, mangipatulod manen ti surat ti Sangguniang Panlungsod iti Department of Public Works and Highways 1st district Department of Public Works and Highways – First District Engineering Office tapno ma-repair wenno masukatan dagiti solar lights.
Maipalagip a naminpinsan a nadadael dagiti solar lights gapu iti iduduprak ti Super Typhoon Egay ditoy probinsia.
