LAOAG CITY – Nasapa a bimmisita ni Santa Claus iti Broken Arrow, Oklahoma tapno ikasar dagiti 14 a couples kas paset ti tinawen a “Wedding Wednesday” maiyus-uswat sakbay ti paskua.
Daytoy nga okasion ti maikadua a daras a naisayangkat nga inorganisar ti siudad kas espesial a selebrasion ti gobierno ita a paskua.
Iti baet a makumikom ni Santa ita nga holiday season, natuloy ti engrande a panagkasar iti tulong ti asawana a ni Mrs. Claus ken dagiti nagagaget nga elf.
Naammoan a kalpasan ti seremonia, naaddaan ti gundaway dagiti baro a kasar a naglugan kadagiti karwahe a guyguyoden dagiti kabalyo.
