LAOAG CITY – Nailako iti sumurok $152,000 iti auction ti sapatos ti pimmusay a ni Elvis Presley.
Ti “Blue Suede Shoes” ket nailako iti Henry Aldridge and Son auction house idiay Britanya.
Immuna a nangrugi ti auction iti sumurok $69,600.
Nagatang ti maysa a taga California ti nasao a sapatos.
Ti size 10 a sapatos nga addaan ti tatak a “Nann-Bush” ket insuot ni Presley iti stage idi 1950.
Suot daytoy kabayatan ti panagkantana kadagiti sikat a kantana kas ti “Hound Dog,” “I Want You,” “Need You” ken I Love You” iti The Steve Allen Show idi 1956.
Naammoan a ti Blue Suede Shoes ket maysa kadagiti sikat a kanta ni Presley.
