LAOAG CITY – Inpetteng ni Sarah Discaya iti Senate inquiry nga “spliced” weno naputed ken naedit ti video interview na a mangibagbaga a nakaala dati binilyon a balor a proyekto manipud iti Department of Public Works and Highways (DPWH).
Dinakamat ni Discaya ti kapadasan na iti local government sakbay pay a simrek da iti ahensya ngem innkat dagiti nang-edit ken ti rimuar laeng a bersyon ket ti nagwarasen ken nabuya dagiti tattao.
Sinaludsod ni Senador Tito Sotto no dagiti nang-interview kenkuana ti nang-edit iti daytoy ken immanamong ken isu ti patyen na.
Kabayatanna, iti naiyuswat a panagdengeg iti Senate Blue Ribbon Committee seknan pay laeng iti anomaly iti flood control projects, ummuna a kwinestyunaran dagiti senador ni Sara Discaya, agtagikua ti Alpha and Omega Gen. Contractors and Development Corporation, ken dagiti walo a construction companies.
Iti panagdengeg, arig na daldalusan ni Discaya ti bagbagi na kalpasan ti panangipettengna a nag-divest wenno nagsanod kadagiti sumagmamano a kumpanya ti konstruksyon.
Nupay kasta, kwinestiyonaran ni Senador Erwin Tulfo ti rakurak ni Daiscaya ken dinamag na no apay nga agtaltalinaed pay laeng daytoy kadagiti sumagmamano a kompanya kas Chief Operating Officer (COO) aken ti asawa na iti operasyon.
Depensa met ni Discaya a saan nga isuna ti Chief Operating Officer no diket Chief Financial Officer (CFO) ken saan nga isuna ti direkta a mangmanmanehar ti kumpanya.
Inpalgak met ni Tulfo a no pudno ti ibagbaga ni Discaya ket apay nga adda pay laeng iti kompanya kas opisyal.
