LAOAG CITY – Inbatad ti aktres a ni Sarah Lahbati a ti ibilang na a pudno a kinabaknang na ket dagiti trusted friend na a saan pulos a nangbaybay-a kenkuana idi adda ti pagdaldalanan na a nadagsen a problema.
Segun ken ni Sarah, ado dagiti realizations na bayat ti panagselebrar na ti maika-31 a kasangay na idi Oktubre 9.
Kuna na nga iti agdama ket ad-adda a marikna na iti pudno a kinaragsak ken panagbalin a kontento iti biag.
Innayon na a nautub na a saanna a kasapulan ti sabali a tao tapno agbalin a naragsak gapu ta umanayen ti bukodna a bagi.
Kabayatanna, iti agdama ket awan pay ti naipadpadamag a karelasyon ni Sarah idinto a mapapati metten nga agayan-ayat ti estranged husband na a ni Richard Gutierrez ken ni Barbie Imperial.
Da Sarah ken Richard ket addaan ti dua nga annak, dagitoy ket da Zion ken Kai Gutierrez.
