LAOAG CITY – Naluksaw ni Sangguniang Bayan Member Mike Hernando iti ili a San Nicolas kalpasan ti pannakaubur ti maysa kadagiti trailer truck na iti Brgy. Billoca iti siudad ti Batac idi rabii ti Biernes.
Kuna na a dandani a naaksidente ti truck ken ti driver na.
Nupay kasta, nagyaman ni Hernando gapu ta saan a nadangran ti driver na.
Segun kenni Hernando, nabuya dagiti otoridad iti CCTV footage dagiti nagubur a naglugan ti motorisiklo ngem saan a mailasin gapu ta nasipnget ken napataray da.
Mamati ni Hernando kadagiti kameng ti PNP Batac a masolbar da ti kaso tapno saan da a mangbiktima kadagiti sabsabali a lugan kas iti bus ken dadduma pay.
Mainaig iti Daytoy, kinumpirmaran ni Hernando a manarimaan ti panangtrace dagiti kameng ti PNP Batac dagiti ladawan dagiti nagubur iti CCTV footage.
Kuna na nga imbestigaren pay dagiti otoridad dagiti karruba a barangay ti Brgy. Billoca a nakapasamakan ti pannakaubur ti maysa kadagiti truck ni Hernando itay kallabes.
Mainaig iti daytoy, saan a damo para kenni Hernando ti pannakaubur dagiti truck bayat ti panagbiahe da gapu ta napasamak pay daytoy idiay probinsya ti La Union.
Nupay kasta, kuna na a damo a napasamak ti pannakaubur ti truck na ken dagiti driver iti Batac City, Ilocos Norte.
Immapela ni Hernando iti publiko a tumulong da iti otordad no adda ti mapasamak a panagubur ti lugan gapu ta dakkel a perwisyo daytoy.
