LAOAG CITY – Inpakaammo ni Sangguniang Bayan Member Marvin Pascua iti ili ti Solsona a saan nga isuna ti adda ti lukodan ti maysa a dummy account a mangperperdi ti padana nga opisial iti nadakamat nga ili.
Daytoy ket kalpasan nga adda ti nangipadanon kenkuana a nangiwayat ti privilege speech ti Mayor ti Solsona nga isuna ti maipagarup a maitutudo nga addaan ti likudan iti dummy account nga addaan ti nagan nga Akron Hammer.
Segun kenkuana ket isuana ti highly probable suspect nga adda iti likudan iti dummy account nga agnagan iti Akron Hammer.
Kinunana a maymayat a pagsasaritaanda kuma nga opisiales a naimbag ti nadakamat a banag tapnu masolbar daytoy iti nasayaat.
Mainaig iti daytoy, patienna nga isuna ti maipagarup a maitudtudo gapu iti namunganay nga isyu ket maipanggep iti maysa nga abogado a empleado iti lokal a gobierno ti Solsona a nagsingir iti notorial fee iti handler ni Miss Ilocos Norte 2024 Solsona.
Kabayatanna, innayonna a makitkitana dagiti comments ti nadakamat a dummy account kontra kenkauana.
Iti agdama ket ibilangna pay laeng ti bagina kas miembro ti grupo ken namnamaenna a masulosionan ti nadakamat nga isyu.
