LAOAG CITY – Binigbig ti Boy Scouts of the Philippines (BSP), ti Gold Gallantry and Heroism Award, ken ni Scout Chris Lorenz Fabian kalpasan ti ipapatayna iti naranggas a pammaltog iti pagadalan idiay Tacloban City. Ni Fabian ti estudiante a nangisakripisio iti bukodna a biag tapno maisalakan dagiti padana nga estudiante iti pannakapaltog a napasamak iti San Jose National High School iti Tacloban City.
Segun iti BSP, impakita ni Fabian ti naan-anay a kinatured ken kinaawan panagimbubukodan idi inyun-unana ti kinatalged ti sabsabali ngem ti bukodna iti sango ti dakkel a peggad.
Impaganetget ti organisasion a ti sakripisiona ket agserbi nga inspirasion kadagiti masanguanan dagiti Scout ken pammaneknek a ti pudno a kinabannuar ket marukod kadagiti biag a naisalakan ken saan nga iti kapaut ti biag.
Kamaudiananna, nagpadayaw ti Scouting fraternity ken ni Fabian, ken impasiguradoda nga agbiagto ti lagip ti naganna, kinaturedna, ken kinabannuarna.
