LAOAG CITY – Naiget a kinondenar ti China iti decision ti Pilipinas ken Japan a rugian ti maritime border negotiation.
Segun ken ni Foreign Ministry spokeswoman Mao Ning, indeklarar ti China ti “delimitation negotiations” iti baet ti Japan ken Pilipinas kas illegal ken awan ti bisa na.
Inbatad pay ti Chinese official a nangipila ti “solemn reprensentations” ti China iti dua a pagilian.
Inaramid daytoy ti China kalpasan nga inanunsio ti dua a pagilian a rugianda ti pormal a saritaan tapno ammoen ti maritime boundary ti maysa nga economic zone ken continental shelf.
