LAOAG CITY – Negatibo ti naiyuswat a search operation iti pagtaengan ti maysa a barangay kagawad iti Brgy. 14 San Gregorio iti ili ti San Nicolas.
Nabigbig ti subject ti operasyon a ni Barangay Kagawad Bryan Casabay.
Iti immunan a pannakiuman ni Bombo Radyo kenni Police Lt. Godofredo Ribuyaco, deputy chief of police ti PNP San Nicolas, nga adda ti impormasyon a dimmanon iti PNP seknan iti maipagarup nga agitugtugot ni Casabay iti paltog kadagiti pagturongan na rason a rimwar ti search warrant.
Nupay kasta, kuna na nga awan dagiti nakairamanan ni Casabay a krimen nga adda ti pannakainaig ti paltog.
Saan met a direkta a sinungbatan ni Ribuyaco ti saludsod no adda dagiti inagrabiyado na wenno inarmaran ni Casabay iti paltog ngem maiyarig daytoy iti naipadanun kadakuada a report.
Nailanad iti search warrant a maipagarup a nasalungasing ti subject iti RA 10591 ken sapulen dagiti otoridad ti caibre 9mm, calibre 45 a paltog ken dagiti bala na.
