LAOAG CITY – Agpada a negatibo ti resulta ti naiyuswat a search warrant operations iti balay da Sang Bayan member Sherwin Tamayo iti Barangay Santiago ken ni Barangay Chairman Ramon Lopez Jr. iti Barangay Elizabeth idiay ili ti Marcos.
Naipalaon iti search warrant a naiyuswat iti balay ni Tamayo ti maysa a 9mm ken maysa nga M16.
Nupay kasta, iti panagsukisok dagiti otoridad iti balay da Tamayo ken Lopez ket awan ti nabirukan da a paltog.
Naamoan nga awan ni Tamayo iti balay da idi naiyuswat ti operasyon gapu ta nasapa daytoy a rimuar a napan nagkampanya.
