LAOAG CITY – Kumpiansa ni Public Works and Highways (DPWH) Sec. Vince Dizon a ti Department of Justice (DOJ) ken ti Office of the Ombudsman ket insigida a mangipila dagiti kaso kontra kadagiti adda iti likudan ti maipagarup a flood control kickback scheme.
Ti rakurak ni Dizon ket sungbat iti immunan nga inbatad ni Palace Press Officer ken Undersecretary Claire Castro a ti Department of Justice ken Ombudsman ket “overwhelmed” gapu iti kinaadu ti kasapulan nga aramiden tapno imbestigaran dagiti karaman no sadinno a dagiti transaksion nga im-imbestigaran ket mabalin nga umabot iti P1 trilyon.
Kunana a maawatan isuda nga overwhelmed gapu iti kinaadu dagiti dokumento nga isubsubmitir ti Department of Public Works and Highways pakairamanan ti Independent Commission for Infrastructure (ICI) ngem kumpiansa isuda a kabaelan da Ombudsman Boying Remulla.
Maragsakan ni Dizon iti nagbalin a performance ti Independent Commission for Infrastructure (ICI), maysa a komision a binukel ni Presidente Ferdinand Marcos Jr. tapno imbestigaran dagiti karaman iti flood control controversy.
Inpettengna a saanna pay a nakita ti final report ngem iti napalabas nga innem a bulan ket adun ti naaramidanda.
Kabayatanna, ti Independent Commission for Infrastructure ket nagtrabaho iti uneg ti innem a bulan a naglippas ti tenure-da idi Marso 31.
Nupay kasta, kuna ni Independent Commission for Infrastructure chairperson Andres Reyes Jr. a kas maysa a collegial body, aktibo laeng ti Independent Commission for Infrastructure iti uneg ti 90 nga aldaw.
