LAOAG CITY – Inrakurak ni Department of Social Welfare and Development (DSWD) Secretary Rex Gatchalian nga illegal ti repacking ti family food packs (FFPs).
Iti naiyuswat a media press conference iti Department of Social Welfare and Development New Press Center, inpetteng ti sekretaryo nga illegal ken maysa a criminal act ti panag-repack kadagiti relief goods kalpasan kadagiti report nga adda ti mapaspasamak a repacking ti family food packs.
Kagiddan iti daytoy, dagus nga inbilin ni Gatchalian ti panangbukel ti committee a mangiyuswat ti internal investigation seknan kadagiti insidente ti repacking.
Maipalagip a ti linaon ti maysa a kahon ti ti family food packs nga ibunbunong ti Department of Social Welfare and Development ket 6 a kilo a bagas, uppat a pedaso ti canned tuna, dua a lata ti sardinas, uppat a lata ti corned beef, lima a sachets ti 3-in-1 coffee ken lima a sachets ti cereal drink. Iti babaen ti Republic Act No. 10121 wenno Philippine Disaster Risk Reduction and Management (DRRM) Act of 2010, Section 19, nailanad iti probisyon daytoy dagiti maipawil ken adda ti pannusa a maipataw basar iti Section 20 ti nasao a linteg
