LAOAG CITY – Adda ti ar-aramiden nga addang ita ti Securities and Exchange Commission (SEC) tapno maaddaan ti regulations ti crypto-asset service providers (CASP).
Basar iti Securities and Exchange Commission a ti addang ket gapu iti panagadu ken panagdur-as ti crypto currencies ditoy pagilian.
Ti regulatory sandbox ket maysa a regulatory tool a nakasentro kadagiti crypto-asset service kas ti cryptocurrency exchanges, virtual asset custodians ken sumagmamano a kapada daytoy.
Innayon pay ti Securities and Exchange Commission a babaen ti programa ket makaalada ti dadduma a kritikal insights ken data iti risks ken oportunidad nga adda ti pakainaiganna iti crypto-asset ken ti providers-da.
