LAOAG CITY – Naarestar ti maysa a security guard a wanted person gapu iti panaglabsingna iti Republic Act No. 10175 wenno ti Cybercrime Prevention Act of 2012.
Nabigbig ti suspek a ni Fredy Jake Garcia y Banadero, agtawen ti 26, awanan asawa residente ti Brgy. Miramar, Magsingal, Ilocos Sur.
Balligi a naarestar ti suspek babaen ti warrant of arrest nga inparuk-at ni Hon. Felix Salvador, Presiding Judge, Regional Trial Court, First Judicial Region, Branch 17, Batac City, Ilocos Norte a napetsaan idi Enero 21, 2025.
Nairekomendar ti 60 a ribu a pisos a pagpiyansa ti suspek para iti temporario a pannakawaya-wayana.
Kabayatanna, natiliw ti suspek babaen ti nagtipon a puersa ti Marcos Municipal Police Station, RIU1, PIU INPPO, PIDMU INPPO ken Dingras Municipal Police Station.
