LAOAG CITY – Agtultuloy ti imbestogasyon dagiti kameng ti Pnp Sarrat iti napasamak a pannakatambang ti Security officer ni Mayor Remigio Medrano ti Sarrat, Ilocos Norte pasadao alas 12 itay tengnga ti rabii.
Nabigbig ti biktima a ni Mr. Apolonio Medrano, kasinsin ti mayor ken residente ti Brgy 1 iti nasao nga ili.
Nagasat ti kasinsin ti mayor nga awan ti tama na manipud kadagiti bala ti kalibre 9mm a paltog ken M16 ngem natamaan ti flasher ti motorsiklo na.
Narekobre dagiti kameng ti SOCO ti 12 a kapsula ti bala ti kalibre 9mm a paltog ken maysa a kapsula ti M16.
Iti pannakiuman ti Bombo Radyo kenni Medrano, agawida kuman kadua na ni Mayor Medrano manipud ti nakiatendaran da a piyesta ti Brgy 7 idi mapasamak ti insidente.
Sakbay a dumalyasat ti grupo da iti Padsan River ket binaon ti mayor nga i-clear na nga umuan ti dalan da ken bayat ti panangiclear na bayat a nakalugan ti motorsiklo ken ditan a pinalto-paltogan dagiti saan a nabigbig a suspek.
Patyen ni Medrano a saan nga aramid ti NPA ti nasao nga insidente.
