LAOAG CITY – Agtultuloy ti imbestigasyon dagiti otoridad mainaig ti motibo ti pannakatambang ti grupo ni Bise Mayor Jessie Ermitanio iti boundary ti Bgry. Ragas ken Brgy. Dacquioag iti ili ti Marcos, Ilocos Norte.
Daytoy ket kalpasan a tinambang dagiti saan a nabigbig a suspek iti nagluganan ni Ermitanio kadua na ti driver, security ken maysa nga empleyado ti munisipyo iti nasao a lugar.
Segun kenni P/Sr. Insp. Lauro Milan, hepe ti PNP Marcos, pimmusay sakbay a nakadanunda iti ospital ti driver ti bise mayor a ni Jesrel Rumbaoa.
Kabayatanna, agtultuloy a maag-agasan iti ospital ti bise mayor ken ti dua pay a kadua na a da Edralyn Arellano kenni Ricky Florendo.
Naamuan nga inuray dagiti suspek ti lugan ti Bise Mayor iti nasao a lugar ken ditan a pinalto-paltogan da dagitoy.
Agtultuloy ti imbestigasyon dagiti otoridad mainaig iti daytoy a pasamak
