LAOAG CITY – Natalinaay ti pannakaiwayat ti programa iti sango ti kapitolyo probinsyal kas panangselebrar ti maika-122 nga anibersaryo ti Independence Day ita nga aldaw.
Naobserbaran ti pannakasurot ti social distancing bayat ti seremonya nga inatendaran dagiti empleyado ken opisyal ti gobyerno probinsyal ken iti lokal a gobyerno ditoy siudad ti Laoag.
Daytoy ket kalpasan a nakipaset ni Mayor Michael Marcos Keon ken dagiti miembro iti Sangguniang Panlungsod ditoy siudad agraman dagiti empleyado iti Laoag City Hall.
Indauloan met ni Police Col. Christopher Abrahano, provincial director iti Ilocos norte Police Provincial Office dagiti pannakabagi ti linteg a maysa kadagiti nangiwayat ti seremonya.
Iti panagbitla ni Gov Matthew Marcos Manotoc bayat ti seremonya, nagsentro daytoy iti kalikagum na a kooperasyon ti publiko kontra iti coronavirus disease.
Kabayatanna, binigbig ti gobernador dagiti agserserbi a frontliners kas mordeno a banuar ti Pilipinas gapu ti pananglaban da ti coronavirus disease.
Dagiti frontliners ket pakairamanan dagiti health workers, doktor, nurse, Philippine National Police, barangay officials, LGUs, ken dadduma pay anagbulontaryo.
Ibilang na a freedom fighter dagiti frontliners gapu ti pananglaban ken pananglapped da a makastrek ti coronavirus ditoy probinsya.
Nagyaman ni Manotoc kadagiti frontliners gapu ti panagrigat da nga agsebri para kadagiti tattao.
