LAOAG CITY – Karaman iti ‘Billionaires list’ ti Hollywood actress ken singer a ni Selena Gomez.
Basar iti Bloomberg a dumanon iti $1.3 bilyon ti baknang ti agtawen iti 32 a ni Gomez.
Umarangkada ti kinabaknang daytoy gapu iti Rare Beauty make-up company-na nga inmatonanna iti napalabas a lima a tawen.
Gapu iti daytoy, karaman isuna kadagiti ‘youngest female self-made’ billionaire pakairamanan da Taylor Swift ken Rihanna.
Malaksid iti make up company-na ket minilyon met ti mapaspastrekna kadagiti endorsements daytoy kadagiti mabigbigbig a luxury brand.
Naipasngay idiay Texas ken half Mexican-American ket simmikat daytoy gapu iti panagbalinna a pasyonista kadagiti nagbalin a nobiona.
Na-diagnosed daytoy ti bipolar disorder ken autoimmune disease lupus.
Naammoan nga isuna ti kaadduan ti followers iti Instagram no sadinno dumanon iti 424 a milyon ti fans-na.
