LAOAG CITY – Balligi a naisayangkat ti seminar mainaig iti Responsible Parenthood and Family Planning ditoy siudad ti Laoag.
Daytoy ket nakipagpasetan dagiti 124 a Barangay Service Point Officer (BSPO) ditoy siudad kadagiti bukudda a barangay.
Ditoy a naipaadal kadakuada no ania dagiti aramidenda no adda dagiti pannakaabusar ti kalintegan, saan a panagkikinnaawatan kangrunaanna iti uneg ti pagtaengan.
Dagitoy ti maibilang a first responder no adda dagiti masapsapul kangrunaanna ti pakaseknan kadagiti babbai ken ubbing.
Kabayatanna, daytoy nga aktibidad ket inorganisar ti lokal a gobierno ditoy siudad ti Laoag baben ti Population Commission ken dadduma pay nga ahensia.
