LAOAG CITY –Nagpannawagan ni Senador Bam Aquino nga ikkaten ti Value-Added Tax wenno VAT ken Excise Tax iti produkto a petrolyo iti pagilian.
Daytoy ket gapu ta mamati ti agpam-panday linteg nga ado dagiti Pilipino a makapaspasar ti inaldaw a panagrigrigat gapu iti panagngato ti presio ti produkto a petrolyo.
Mainaig iti daytoy, binabalawna ti rakurak ni FInance Secretary Frederick Go a dagiti laeng babaknang ti mabenepisiaran no maikkat ti nasao a tax iti gasolina wenno diesel.
Ngem impetteng ni Senador Bam nga ad-ado dagiti sektor a mabenepisiaran iti oras a maikkat ti nasao a tax.
Innayonna a rinibu a drivers, operators ti jeepneys, taxis, ken dadduma pay a pampubliko a lugan ti mangnamnama iti petrolyo iti inaldaw-aldaw a pagbiagda.
