LAOAG CITY – Inabisoan ni dati a Supreme Court Chief Justice Maria Lourdes Sereno ni Sen. Bato Dela Rosa nga admitarenna dagiti amin a responsibilidad iti napasamak a krimen iti drug war tapno maisalakanna ni dati a Presidente Rodrigo Duterte a nakaibalud idiay the Hague mainaig kadagiti kaso a sangsangoenna iti International Criminal Court (ICC).
Inbatad ni Sereno a no bilang admitaren ni Dela Rosa nga isuna ti mastermind ket mabalin a maisalakanna ni Duterte.
Maipalagip a ni Dela Rosa ti hepe ti Philippine National Police iti umuna a tallo a tawen ti Duterte administration a nangipatungpal ti nadara a war on drugs.
Immuna iti daytoy, idi 2018 idi winaswas ti Duterte administration ti appointment ni Sereno kas Chief Justice iti babaen ti quo warranto.
