LAOAG CITY – Inpasigurado ni Senate President Francis “Chiz” Escudero nga ipaarestar ti Senado ti akinkukua dagiti construction companies a karaman kadagiti flood-control projects no saanda a patgan ti subpoena kontra kadakuada.
Inbatadna a saan daytoy nga agpangadua a pirmaan ti warrant of arrest kontra kadagiti akinkukua dagiti construction no agtultuloy a saanda a makikooperar iti imbestigasion mainaig kadagiti maanomalya a flood control projects.
Inlawlawagna a masapul nga agtungpal dagiti maseknan gapu ta adda dagiti maiyannatop a pannusa no saan dagitoy a sumurot iti pagannurotan.
Kabayatanna, naikeddeng a maiyuswat ti sumaruno a panagdengngeg ti Senate blue ribbon inton Septiembre 1 wenno 2.
