LAOAG CITY – Manamnama ti panangisubmitir ni Senator Francis “Chiz” Escudero ti sungbat na iti show cause order (SCO) a mangilawlawag iti P30 million campaign donation a naawat na manuipud iti contractor para iti kampanya na idi 2022.
Segun kenni Commission on Elections (Comelec) chairperson George Erwin Garcia, makitaripnong pay kadakuada ita nga aldaw ti legal representative ni Escudero.
Ummuna iti daytoy, pinakaamoan ni Escudero ti comelec a saan a makasubmitir idi kalman iti sungbat na iti show cause order.
Inlawlawag na a ti panangipila ti affidavit wenno dokumento babaen iti opisina ti Senador ket mangipakita a bigbigbigen da a ti Comelec ket addaan ti jurisdiction iti kastoy a klase ti kaso.
Maipalagip a nangisyu ti Comelec ti show cause order kontra kenni Escudero a mangmanmandar kenkuana nga agpalawag iti P30 million iti campaign donations a naawat na manipud kenni Centerways Construction and Development Inc. president Lawrence Lubiano.
Mainaig iti daytoy, kuna ni Garcia nga awan ti problema da gapo ta ti naikeddeng a petsa nga isu ti panagsungbat kuma ti senador wenno papan da iti Coelec ket saan a mandatory nga awan ti extension.
Innayon na a namnamaen ti publiko a kalpasan ti panangisubmitir ti senador ti sungbat na iti akusasyon ket dagus a maadal ken maaddaan ti rekomendasyon no madismiss wenno matuloy ti kaso kontra iti daytoy.
