LAOAG CITY – Inrakurak ni Senate President Francis “Chiz” Escudero a saan daytoy nga interesado a madutokan kas Bise Presidente no bilang mapadisi ni Vice President Sara Duterte.
Inbatadna a saan a napintas a kitaen a mapasamak daytoy gapu ta ti Senado tu agdesision kontra ken ni Duterte.
Inlawlawag ni Escudero a nasken a paset iti daytoy ti House of Representatives gapu ta aggapu ti selection process iti Kongreso.
Kunana a saan a nasken nga ikonsiderar ti asinoman a nagpirma ken mangilunglungalong ti impeachment kontra ken ni Duterte iti puesto a mabalin a maakusaranda nga inaramidda laeng daytoy para iti bukud nga interes ken kalikagum.
Inpalgakna a no mapadisi ni Duterte ket agpili ni Presidente Ferdinand Marcos Jr. manipud iti miembro ti Kongreso ken saan nga otomatiko a ti Senate president.
Innayonna a masapol nga agpili ti Presidente ti agbalin a Bise Presidente manipud iti miembro ti Kongreso nga agtawen ti 40 ken agpangato kas naiyataday iti Konstitusion.
