LAOAG CITY – Ginutigot ni Senate Finance Committee Chair Sen. Sherwin Gatchalian ti Department of Health (DOH) nga ipatungpal ti amin a programa ti ahensia kagiddan ti panangilatang ti pundo ti Kongreso para iti 2026 pakairamanan ti Philippine Health Insurance Corp. (PhilHealth) ken zero balance billing.
Inbatad ni Department of Health spokesperson Albert Domingo, mabalin a mangipaay ti oversight dagiti agpanpanday linteg iti implementasion dagiti proyekto.
Mainaig iti daytoy, agpada nga inimbitaran da Gatchalian ken Domingo dagiti health advocates a makipaset iti panagsasarita tapno mapasayaat ti healthcare system ditoy pagilian.
Maipalagip a nalpas ti bicameral talks iti 2026 national budget idi Huebes ti bigat kalpasan ti uppat nga aldaw a deliberasion no sadinno a target ti Kongreso nga aprobaran daytoy sakbay ti Disiembre 29.
